இறைமாட்சி

மாட்சிமை பொருந்திய இறைவனின் சிறப்பினை யாவும் எடுத்து வைத்தல் இயலாத காரியம். மரங்கள் யாவையும் எழுதுகோலாக்கி, கடல் நீரை மையாக்கி, பூமியைத் தாளாக்கி எழுதினாலும் இறைவனின் பெருமையை எழுதிட முடியாது.

இறை நம்பிக்கையுடைய அத்தனைப் பேரும் பாராட்டக் கூடிய புலவர் ஆபிதீனின் வரிகளைப் பாருங்கள் :

இல்லா திருந்து எங்கும்
இயங்கா தியங்கி வாயால்
சொல்லா தமைந்து சொல்லிச்
செய்யா துவந்து செய்து
எல்லா முனைந்து ஆய்ந்து
எண்ணும் மனத்தை ஈந்த
வல்லா னுனை விளங்க
வன்மை எவர்க்கும் போதா !

தாங்காஓர் தூணு மின்றி
தரணிமுன் வான மைத்தாய்
ஓங்கலை கடல் படைத்தாய்
ஒருவித அணையு மில்லை
தூங்கிநற் பயனே தூவ
தந்தனை இரவை நித்தம்
பாங்கமை உனது சிறப்பு
பகருதல் எளிதே யாமோ?

- புலவர் ஆபிதீன்